سعودی خواتین بلٹ ٹرین چلائیں گی

ویب ڈیسک ۔۔ سعودی عرب میں 30 خواتین ٹرین ڈرائیوروں کے لیےدئیےگئےنوکری کے اشتہارکےبدلے28,000 درخواستیں موصول ہوئی ہیں جس سےبڑی تعدادمیں سعودی خواتین کےمعاشی لحاظ سےاپنےپاوں پرکھڑاہونےکی خواہش کااظہارہوتاہے۔

سپین سےتعلق رکھنےوالی دنیاکی معروف ریلوےآپریٹنگ کمپنی رینفےسعودی عرب میں بلٹ ٹرین کےمنصوبےاوراس کےکیلئےتمام متعلقہ سٹاف کی ہائرنگ اوران کی تربیت کی ذمہ دارہے۔ رینفےکےمطابق اس نے امیدواروں کی تعداد میں تقریباً نصف کمی کر دی ہے، اور وہ مارچ کے وسط تک باقی کو فلٹر کرنے کا ارادہ رکھتی ہے۔

منتخب کردہ خواتین ایک سال تک بامعاوضہ تربیت کےبعدمکہ اورمدینہ کےدرمیان ٹرین چلائیں گی۔

سعودی خواتین کیلئےملازمت کے مواقع اس سےپہلے اساتذہ اور طبی کارکنوں جیسے کرداروں تک محدود تھے۔

سعودی عرب آہستہ آہستہ ان خواتین کے لیے ڈرائیونگ کے مواقع کھول رہا ہے جنہیں 2018 تک ڈرائیونگ کی اجازت نہیں تھی۔
سعودی ولی عہد کی مملکت کو کھولنے اور معیشت کو متنوع بنانے کی مہم کے ساتھ، گزشتہ پانچ سالوں میں کام کرنے والی خواتین کی تعداد تقریباً دوگنی ہو گئی ہےاورخواتین اب مردوں اورغیرملکیوں کیلئےمخصوص ملازمتیں بھی کررہی ہیں۔