ٹام کروزکیلئےامریکی نیوی کااعلی ترین ایوارڈ

ویب ڈیسک – امریکی بحریہ نے ہالی ووڈ کے معروف اداکار ٹام کروز کو ان کی *ٹاپ گن* جیسی مشہور فلم کے ذریعے "بحریہ اور میرین کور کے لیے نمایاں خدمات” کے اعتراف میں اعزاز سے نوازاہے۔

معروف اداکار، جنہوں نےاپنی مشہورزمانہ فلم ٹاپ گن میں امریکی بحریہ کے فائٹر پائلٹ لیفٹیننٹ پیٹ "میورک” مچل کا کردار نبھایا، کو ڈسٹنگویشڈ پبلک سروس ایوارڈ دیا گیا – جو امریکی بحریہ کی جانب سے سویلینز کو دیا جانے والا سب سے بڑا اعزاز ہے۔ یہ تقریب لندن کے قریب لانگ کراس اسٹوڈیوز میں منعقد ہوئی، جہاں 62 سالہ اداکار ان دنوں فلم بندی میں مصروف ہیں۔

فلم *ٹاپ گن* میں ٹام کروز کا کردار ڈیوک کننگھم سے متاثر تھا، جو ویتنام جنگ میں دادشجاعت کیلئےمشہورہوئےاوربعد میں ایک امریکی سیاستدان بنے۔

اعزاز وصول کرنے کے موقع پرہونےوالی تقریب میں ٹام کروز نے اپنے جذبات کا اظہار کرتے ہوئے کہا کہ یہ اعزاز ان کے لیےبہت معنی رکھتا ہے۔

ٹام کروزنےکہامیں یہ اعزاز نہ صرف اپنے لیے بلکہ ہماری پوری کاسٹ، ٹیم، لکھاریوں، ہدایتکاروں، اسٹوڈیوز اور ہالی ووڈ کے لیے قبول کرتا ہوں، جو ان اہم کہانیوں کو پیش کرنے کے لیے انتھک محنت کرتے ہیں۔

جیک ریچراسٹار نے مزید کہاکہ میں بحریہ اور فوج کے تمام مرد و خواتین کی بہت عزت کرتا ہوں۔ میں فوجی جوانوں کی قربانیوں کی قدر کرتا ہوں۔ یہ میرے لیے اعزاز کی بات ہے کہ میں نےان کی نمائندگی کی ۔

امریکی بحریہ کے سیکرٹری کارلوس ڈیل ٹورو نے ٹام کروز کے کام کو سراہتے ہوئے کہا کہ اداکار نے عوام میں ہمارے تربیت یافتہ جوانوں اور ان کی قربانیوں کی اہمیت کو اجاگر کیا ہے۔

یادرہےکہ 2022 میں ریلیز ہونے والی سیکوئل *ٹاپ گن: میورک* تاریخ کی سب سے زیادہ کمائی کرنے والی فلموں میں شامل ہے۔ ٹام کروزکےامریکی نیول پائلٹ کےکردارنے کئی نسلوں کو متاثر کیا اور فوج میں خدمات انجام دینے والوں کی زندگی کی جھلک دکھائی۔

آنے والے پروجیکٹس

مداح ٹام کروز کو ایک بار پھر ایکشن میں دیکھ سکیں گے جب *مشن: امپاسبل – دی فائنل ریکننگ* مئی 2025میں سینما گھروں کی زینت بنے گی۔