خواتین بینکرزکیلئےزبردست اعلان

اسٹیٹ بینک آف پاکستان (ایس بی پی) نے بینکوں کو ہدایت کی ہے کہ وہ 2023 تک افرادی قوت میں کم از کم 20 فیصد خواتین کو ملازمت دیں۔

آسان ڈیجیٹل اکاونٹ کی لانچنگ تقریب میں بات کرتےہوئےگورنرسٹیٹ بنک کاکہناتھاکہ معاشی ترقی اور مالیاتی نظام میں خواتین کی شمولیت کے لیے صنفی تنوع ناگزیر ہے۔

اسٹیٹ بینک نے بینک الفلاح، اسٹینڈرڈ چارٹرڈ بینک اور یو بی ایل کے تعاون سے خواتین کے عالمی دن کے موقع پر’آسان ڈیجیٹل اکاؤنٹ: بریکنگ بیریئرز‘کے عنوان سے ایک تقریب کی میزبانی کی۔

ڈاکٹر باقر نے کہا کہ روشن ڈیجیٹل اکاؤنٹ کے ذریعے ملک کو ڈیڑھ سال کے دوران تقریباً 3.5 بلین ڈالر موصول ہوئے ہیں جو کہ براہ راست غیر ملکی سرمایہ کاری اور بین الاقوامی مالیاتی فنڈ کی جانب سے دیے گئے قرضوں سے زیادہ ہیں۔

گورنر نے مختلف شعبوں میں خواتین کےکام کی تعریف کی اور اس بات پر زور دیا کہ خواتین کو بااختیار بنانا ملک میں سماجی و اقتصادی ترقی کی کلید ہے۔ انہوں نے کہا کہ صنفی فرق عورتوں کو مردوں کے مقابلے زندگی کے تمام شعبوں میں مواقع، حقوق اور ذمہ داریوں سے فائدہ اٹھانے کی یکساں آزادی کی اجازت نہیں دیتا۔ تاہم، خواتین کا عالمی دن ہمیں ان نظامی رکاوٹوں پر غور کرنے اور ان پر غور کرنے کی ترغیب دیتا ہے جو خواتین کو ان کے حصول میں محدود کرتی ہیں۔